Дуелот кој требаше да биде спектакл го засени повредата на Карлос Алкараз во третиот сет по која Новак Ѓоковиќ лесно го финишираше мечот.
Првиот сет Ѓоковиќ го доби со 6-3, а во вториот Алкараз возврати со 7-5 и изедначи на 1-1. Во првите два сета гледавме голема борба и спектакуларен тенис.
Проблемите за Алкараз почнаа во третиот гејм од третиот сет кога Шпанецот побара медицинска помош, повредата не можеше да ја санира, таа го мачеше до самиот крај, па Ѓоковиќ лесно ги зема преостанатите два сета со по 6-1 и дојде до големата победа.
Ѓоковиќ за титулата на Ролан Гарос ќе се бори против победникот од дуелот меѓу Каспер Руд и Александер Зверев.
Доколку Ѓоковиќ го освои Ролан Гарос, тоа за него ќе биде 23. грен слем титула со која ќе го помина Надал и ќе биде осамен на врвот во оваа категорија.
