„ Претседателот Ахмети го информира норвешкиот амбасадор дека по претседателските и парламентарните избори во Македонија, волјата на албанските граѓани не беше почитувана од мандатарот. Стабилноста и безбедноста во земјата произлегуваат од Охридскиот договор кој ги регулира односите меѓу заедниците и гарантира мир, безбедност и стабилност. Затоа, албанскиот јазик не треба да биде загрозен од политичките диктати на власта без етнички легитимитет. Г-дин Ахмети изрази загриженост и за отстапувањето од европската перспектива и тензиите во односите со соседите“, информира ДУИ.
Како што се наведува во партиското соопштение, Ахмети нагласил дека „се потребни два историски процеса во регионот“.
„ Првиот, историско албанско-српско помирување со меѓусебно признавање на Косово и Србија, како и регионален договор на сите соседи, Бугарија, Грција, Србија, Албанија и Косово, за незагрозување на територијалниот интегритет на Македонија“, наведува ДУИ.
