Поради исклучително ретки врнежи во последните година и пол, голем дел од населението на Сицилија, околу два од вкупно пет милиони жители, е подложено на рационализација на водата за пиење.
Ситуацијата е особено тешка во западните и јужните делови на островот, од 29 вештачки езера, шест се целосно исушени. Поради оваа причина, во голем број општини граѓаните добиваат вода секој втор ден или се снабдуваат од цистерни.
الجفاف الشديد في صقلية – إيطاليا 🇮🇹
هنا كانت بحيرة روزمارينا وهي من أكبر البحيرات في صقلية، انظر كيف أصبح الوضع الآن ‼️#طقس_العالم
evere drought in #Sicily: here was Lake Rosamarina, one of the biggest in Sicily, look what the situation is like nowSalvatore Cuffaro video pic.twitter.com/XV2PLBP4PS
— طقس_العالم ⚡️ (@Arab_Storms) July 12, 2024
Последиците од ова се големи штети за земјоделството, додека во некои области сточарите се принудени да убиваат добиток за кој немаат ниту вода ниту храна.
Енио Бонфанати од Калтанизета истакнува дека ситуацијата оваа година е катастрофална и дека навистина мора да користи таков термин.
„Овде обично одгледуваме модар патлиџан, домати и пиперки, а оваа година – како што гледате – нема ништо затоа што немаме вода. Она малку вода што ја имаме ја штедиме за растенијата што најмногу страдаат, ја загубивме целата пченица“, се жали друг земјоделец.
Во февруари гувернерот на Сицилија, Ренато Скифани прогласи статус на природна катастрофа, италијанската влада прогласи вонредна состојба во мај, бидејќи ова е една од најтешките суши што го погоди островот во последните 50 години, пренесува РТС.
Деновиве Министерството за земјоделство на Италија прогласи состојба на екстремни временски услови на цела Сицилија, додека регионот бара посебна уредба која би се однесувала на континуирано намалување на водните ресурси во вештачките езера, што доведува до недостиг на вода за наводнување.
Се проценува дека годинава во споредба со лани земјоделското и сточарското производство ќе биде преполовено.
After months of below-average rainfall and climate-change-related high temperatures, Sicily’s Girgentana goats are at risk. Local breeder Luca Cammarata says if he can’t get his herd water, he will be forced to send them to the slaughterhouse https://t.co/S2Sr32peBR pic.twitter.com/k5gsRcwYnt
— Reuters (@Reuters) July 31, 2024
Во наредните денови временската прогноза предвидува екстремно високи температури без врнежи, вонредна состојба поради суша е прогласена во регионот на Калабрија, додека Сардинија се подготвува да го стори истото.
Националната лига на задруги на јужните региони, попозната како Легакоп, која е најстарата и главна асоцијација за заштита и застапување на италијанските задруги, зборува за драматичната состојба на тие територии, кои само во првиот квартал од оваа година досега изгубија четири милијарди евра, како и 33.000 работни места, предизвикани од тековната суша.
