„Украина не може да се согласи на ништо помалку од тоа да живее, да зачува и да опстане. Украина нема да се потчини на злото, ние мора да го победиме“, напиша Зеленски на својот профил на Икс.
Според него, оваа битка е борба за независност што ќе ја наследат идните генерации.
Украинскиот претседател додаде дека Украина нема да попушти пред непријателот кој, како што наведе, „пролева крв заради сопствената болна самодоверба, кој ја презира вистината – и човечката и божествената – и омаловажува сè освен себе“.
„Русија ја гради својата државност токму на ова, но ние сме поинакви. Веќе сме одвоени од овој непријател со нашиот дух. Мора да го победиме ова зло“, напиша Зеленски.
