„Во врска со операцијата Курск, Русија се обиде да ги потисне нашите позиции, но ние се држиме“, изјави Зеленски во вечерното радио обраќање.
Москва на почетокот на неделата објави дека повторно освоила две села во тој сектор и најави дека ќе продолжи со акциите за истиснување на украинските сили од нејзината територија.
Зеленски призна дека украинскиот упад во регионот Курск во август бил дизајниран да ги повлече руските трупи од позициите во источна Украина, каде што напредуваа во последните месеци.
Поточно, тие се надеваа дека ќе создадат тампон зона во близина на границата за да го ограничат руското бомбардирање на украинските погранични населби, истовремено принудувајќи ја Русија да ги прераспредели своите офанзивни единици во близина на Доњецк и на тој начин да го забави нивното напредување.
Но, руските трупи продолжуваат да напредуваат во источна Украина, особено кон Покровск, клучен логистички центар на украинските сили.
Ова во саботата го призна и Зеленски, велејќи дека ситуацијата на украинските сили во источниот регион на Доњецк и во јужниот дел на Запорожје е „многу тешка“.
