Ова денеска го изјави портпаролката на Министерството за надворешни работи на Русија, Марија Захарова, изразувајќи го своето уверување дека „одговорот ќе биде срамежлив молк на соодветните структури“.
„Уште еднаш ги повикуваме меѓународните организации да ги осудат терористичките напади на украинските екстремисти, иако сме сигурни дека одговорот ќе биде срамежливиот молк на соодветните структури“, наведе Захарова во соопштението објавено на веб-страницата на руското Министерство за надворешни работи, пренесува Риа Новости.
Таа нагласи дека руското Министерство за надворешни работи најостро ги осудува нападите на украинските вооружени сили насочени кон уништување на цивилната инфраструктура, убивање и заплашување цивили.
Според Захарова, режимот во Киев совршено разбира дека овие варварски дејствија немаат смисла од воена гледна точка, но продолжува да ги отплаќа „заемите што им ги дале нивните господари“.
„Очигледно е дека овие украински ракетни напади и напади со беспилотни летала врз руските региони се од терористичка природа“, рече Захарова и потсети дека украинските вооружени сили извршија масовен ракетен напад врз Курск ноќта на 11 август.
„Кон градот беа истрелани тактички ракети Точка-У, од кои повеќето беа погодени од руски системи за противвоздушна одбрана, но еден погоди катна станбена зграда и повреди 13 цивили од кои двајца се во тешка состојба.
