„Со оваа донација покажуваме дека Општина Арачиново не е ‘заборавено село’, туку е општина која заслужува и има безброј потреби за грижа, токму од државните институции. Затоа мојата соработка со граѓаните ќе биде континуирана. Нашите активности ќе продолжат, нема да застанеме тука“, напиша Небиу на својот фејсбук-профил.
Според член 19 од македонскиот Устав „Македонската православна црква, другите верски заедници и религиозни групи се одвоени од државата и се еднакви пред законот“. Македонија е секуларна држава.
Дритон Небиу како член на Алијанса за Албанците стана директор на Агенцијата управување со одземен имот во март годинава. Тој дојде на местото на Фатос Асани кои беше на оваа позиција како кадар на СДСМ. Чест е да се раководи институција преку која на народот му се враќа тоа што му припаѓа, напиша тогаш Небиу на Фејсбук.
