Ревизијата констатирала отсуство на процедури во случајот на Палчо, токму тоа го спасува Спасовски од кривична одговорност, СДС да одговори до кај е екстрадицијата на Палчо, дали на повидок е нов скандал. После 8 години министерување прашањето е зошто Оливер Спасовски не донел процедури за задолжително постапување во вакви случаи? Сака СДС, од чии структури се изроди Палевски, да не убеди дека е нормално што се возел среде Скопје со возилото на прво убиениот и се движел непречено? На крајот СДС да го праша министерот за правда до кај е екстрадицијата на Палчо? Дали е на повидок негово ослободување?“, прашува ВМРО-ДПМНЕ во соопштението испратено до јавноста.
Не постојат основи за покренување на дисциплинска постапка против полицајците кои работеле на истрагата за убиството на Панче Жежовски и Вања Ѓорчевска, констатирала внатрешната контрола на МВР откако пред речи си еден месец министерот за внатрешни работи Панче Тошковски изјави дека дошол до одредени информации и сомнежи за тоа како се постапувало во случајот за убиството на Ѓорчевска и Жежовски, за кои, како што кажа тогаш, побарал дополнителна истрага.
