Зошто Лога не беше загрижен кога цело ДУИ и Зајас на Ахмети беше вграден во судскиот систем на државата? Ислам Абази првиот човек на организиран криминал, Бурим Сејдини, претседателот на Управен суд и Али Ахмети, лидерот на интегративците се родум од кичевското село Зајас. Претседателите на основните судови во Тетово и Кичево, Хасан Асани и Амдије Зенку се поранешни функционери и активисти на ДУИ. Во Врховниот суд е и Шпенд Деваја, сопругот на поранешната градоначалничка Теута Арифи. Добрила Кацарска стана Уставен судија откако работата ја заврши со политичките прогони во основниот кривичен суд“, реагираат од ВМРО-ДПМНЕ.
Остро ја осудуваме деградирачката реторика на политичката партија која претендира да управува со оваа држава. Нападот врз независните институции е неприфатлив јазик за една земја членка на НАТО и земја која се наоѓа пред пристапување во Европската Унија, пишува во реакција на министерот за правда Кренар Лога испратено вечерва до јавноста, а се однесува на соопштението на ВМРО ДПМНЕ поврзано со претседателката на Уставниот суд, Добрила Кацарска. Попладнево ВМРО-ДПМНЕ во соопштение до јавноста кажа дека напуштањето на функцијата на Кацарска е празник за правдата.