Македонскиот тим денеска имаше две изданија, добро првото полувреме и лошо второ кое беше причина за поразот.
Порто подобро го почна мечот и дојде до предност од 6-3, но потоа следуваше серија на Вардар од 4-0 кој дојде до предност од 7-6. Голема борба се водеше до крајот на првиот дел, а на паузата црвен-црните заминаа со два позитива, 12-10.
Во средина од второто полувреме следуваше голем пад на Вардар кога девет минути не можеше да постигне гол. Португалскиот тим направи голем пресврт и на крајот дојде до победа од 26-22.
Родригез со четири гола беше најефикасен кај Вардар, по три дадоа Лазаревски, Крсманчиќ и Георгиевски. Во составот на Порто Диоку и Оливеира постигнаа по седум.
За седум дена Вардар му гостува на Порто.
