Во соопштението се наведува дека несреќата се случила во близина на паркот Белимбла кај Оукдаил.
Австралиската полиција, пожарникари и екипи за итни случаи пристигнаа пеш на местото на несреќата, 88 километри југозападно од Сиднеј.
Вршителот на должноста началник на полицијата во Нов Јужен Велс, Тимоти Калман, потврди дека авионот Цесна 182 со две лица се судрил со ултралесен авион од блискиот аеродром во кој се наоѓал еден човек.
Претходно денеска, хидроавион со пет лица се урна во Квинсленд, и сите беа спасени, објави каналот Севн њуз.
Авионот се урнал во водите кај плажата Вајтхавен во Витсандејс, соопштија службите за итни случаи.
Две лица се здобиле со полесни повреди, на ниту еден од повредените не му била потребна хоспитализација.
На почетокот на неделава, млад пилот загина во авионска несреќа на околу 50 километри северозападно од Мелбурн.
#BREAKINGNEWS : Mid-air collision reported after two small planes crash in Sydney, Australia.
The mid-air collision occurred in Sydney’s southwest, according to BNO News. The status of the people onboard remains unclear at this time. pic.twitter.com/CvgeaqZdyg
— Archange Shadows Follow Me (@Archange_Shadow) October 26, 2024
Дваесет годишното момче, ја добило пилотската дозвола на почетокот на оваа година, неколку минути по полетувањето во вторникот изгубил контрола над својот авион Цесна 150, кој се урнал во близина на аеродромот, тој почина на лице место.
Причината за несреќата ќе ја истражува Австралиското биро за безбедност на транспортот.
