Силјановска-Давкова ја изразила решеноста од македонска страна за натамошен развој и зајакнување на силното партнерство со Чешката Република, како на билатерално и мултилатерално политичко ниво, така и во доменот на економската соработка.
Таа се заблагодарила за принципиелната и доследна чешка поддршка за македонските евроинтеграции, оценувајќи ја Чешка како важен партнер и силен поддржувач на процесот на проширувањето на ЕУ.
На средбата, како што информираат од кабинетот, претседателката Силјановска-Давкова посочила на потребата ЕУ да биде јасна и непоколеблива во својата стратегија за проширување кон Западен Балкан, не оставајќи простор за нејаснотии.
