По двата порази кај Сакраменто, Голден стејт го искористи првиот домашен меч и дојде до победа од 114-97. Стеф Кари беше лидер во триумфот со 36 поени, најдобар кај Сакраменто беше Фокс кој имаше 26 поени и по девет асистенции и скокови.
Феникс со 129-124 славеше на гостувањето кај Клиперс и го врати брејкот, поведе со 2-1 во серијата. Фантастична партија имаше Букер кој уфрли 45 поени, за Клиперс одличен беше Пауел со 42 поени.
Филаделфија е на чекор до пласман во конференциското полуфинале откако со 102-97 го победи Бруклин и поведе со 3-0. Најдобар кај Филаделфија беше Максеј со 25 поени, за Бруклин Бриџис постигна 26.
Резултати: Бруклин – Филаделфија 97-102 (0-3), Голден стејт – Сакраменто 114-97 (1-2), ЛА Клиперс – Феникс 124-129 (1-2)
