Тагунит, село на околу 450 километри јужно од главниот град Рабат, забележа повеќе од 100 милиметри дожд на метар квадратен за 24 часа, пишува Гардијан.
Сателитски снимки на НАСА покажуваат дека езерото Ирики, кое е суво 50 години, се полни со вода.
„Поминаа меѓу 30 и 50 години откако имавме толку многу дожд за толку краток временски период“, изјави Хусине Хуабеб за Асошиејтед прес, официјален претставник на метеоролошката агенција на Мароко.
Sahara Desert has experienced its first flood in 50 years#NENewsTV #saharadesert #FloodinSaharadesert #flood pic.twitter.com/qyAMH3Lu2t
— NENewsTV (@NENEWS24x7) October 13, 2024
Овие дождови, кои метеоролозите ги нарекуваат екстра-тропска бура, може да ги променат временските услови во регионот во следните месеци и години.
„Како што воздухот задржува повеќе влага, тој поттикнува поголемо испарување на водата и предизвикува повеќе бури“, изјави Јуабеб за американската агенција.
Селест Сауло, генерален секретар на Светската метеоролошка организација, изјави дека „циклусот на водата во природата низ светот се менува со зголемена фреквенција“.
Pluies exceptionnelles dans le Sahara marocain…et plus généralement au Sahel
….finalement c’est pas mal ce réchauffement climatique 🙃Rare deluge floods parts of the Sahara desert for the first time in decadeshttps://t.co/8y5qlBNFf6 pic.twitter.com/TFfaRw9G1D
— Harry Boone (@Harry_Boone) October 13, 2024
„Поради порастот на температурите, хидролошкиот циклус се забрза. Тој исто така стана непредвидлив и нестабилен, денес се соочуваме со сѐ поголеми проблеми со премногу или премалку вода“, рече Сауло.
Во поплавите во Мароко минатиот месец загинаа 18 лица, а последиците се проширија и во регионите кои минатата година беа погодени од земјотрес.
Исто така, имаше извештаи за преградени акумулации во југоисточниот регион кои повторно беа пополнети со рекордно темпо во текот на септември.
