„Иако, во текот на месец август беше донесен ребаланс на буџетот и согласно објавите на веб сајтовите во Македонија сопственост на новински агенции, но и сопственост на државни институции, беше најавено дека ќе има повеќе пари за МВР, како Синдикат се надевавме, а и понатаму се надеваме дека долговетуваното, долгоочекуваното и долгонајавуваното покачување во износ од, не помалку 10-15% на септемвриската плата, ќе биде дадено од страна на власта. Како СПМ напоменуваме дека, доколку и тие 10-15% бидат дадени во Октомври, сепак, нема ништо позначително да значат или да ја подобрат ситуацијата на полицискиот службеник, а ветуваме дека ќе настојуваме и ќе продолжиме да бараме покачувања сѐ додека не биде исполнето нашето барање 1 евро – 1 бод и тоа во разумен рок од страна на власта“, се вели во реакцијата на СПМ.
Од таму додаваат дека доколку повторно како и многупати до сега во изминатите години, бидат сведоци на лажни ветувања и претходно ветеното покачување во висина од 10-15% на платата не биде исплатено, ќе преземат натамошни мерки, согласно позитивните законски прописи, интензивно ќе бараме средби со функционерите, ќе одржуваме состаноци и интензивно ќе продолжиме со нашата синдикална борба за повисоки плати и подобри услови за полицискиот службеник во Македонија.
„Се уште веруваме и сме убедени дека пари за повисоки плати има обезбедено во Буџетот на МВР и тоа ИТНО мора да се провери“, завршуваат од СПМ.