„Овојпат трката е меѓу ВМРО-ДПМНЕ и ДУИ. Зошто? Па видете што јавуваат медумите, видете макар една прес-конеренција. ВМРО-ДПМНЕ не троши толку енергија кон СДСМ колку што троши кон ДУИ. Ние сме во првата лига. Натпреварот е сега меѓу ВМРО-ДПМНЕ и ДУИ. Но, ВМРО е претставник на македонскиот нациопнализам, ама јас го именувам како претставник на антиевропскиот пат на државата. ДУИ од друга страна е предводник на европскиот фронт, најсилно се залагаме за членство во ЕУ. Тоа можеби граѓаните не до крај го забележуваат бидејќи имаме во државата многу случувања“, рече Османи, а за своето обраќање сподели и кус видео-запис.
Според него, бидејќи кај ВМРО-ДПМНЕ енергијата е насочена кон ДУИ, на сцената, како што нагласи, се обидите за фрагментирање на Албанците.
„Фрагментирање во мали партии. Идејата беше да се поттикне создавање на локални лидери за забавува во секој град, во секое маало, со цел да се загуби целата енергија на Албанците и да немаат претставник во првата лига. Идејата нивна е дека првата лига е само за двете македонски партии“, рече Османи.
Тој нагласи дека лидерот Али Ахмети и ДУИ навреме ја осознаа таа тенденција и успеаја „главнината на албанската сила“ да ја задржи заедно и покрај тоа што, нагласи, 13 партии се произлезени од ДУИ.
„Затоа што сега Албанците ја имаат историската шанса да се вреднува гласот на Албанците од Куманово до Струга“, рече Османи.
