Во исто време, агенцијата Ројтерс објави дека исчезнал член на нивниот тим кој известувал за војната во Украина, двајца новинари од тимот се хоспитализирани по ракетниот напад на хотел во Краматорск.
Во соопштението на новинската агенција се наведува дека хотелот „Сафир“ во кој престојувала екипата од шест члена на Ројтерс, бил погоден во ракетен напад во саботата.
Како што пренесува Укринформ, повредените во Краматорск се новинари – државјани на Украина, САД и Велика Британија, а под урнатините сѐ уште се трага по еден од новинарите на странски медиум.
На каналот Телеграм прес-службата на регионалното обвинителство во Доњецк соопшти дека на новинарите им биле констатирани повеќе повреди – контузија на мозокот, скршеница на нога, контузија и исеченици по телото и дека им била укажана итна медицинска помош.
Late last night, a Russian Iskander-M missile struck a hotel in Kramatorsk, Donetsk region, where were staying foreign journalists.
One of them is still under the rubble. Two are injured: diagnosed with mine-blast trauma, brain contusion, a broken leg, and cut wounds. pic.twitter.com/fTfr1xD2wt— Tetyana Vysotska (Тетяна Висоцька) (@Ukrainews) August 25, 2024
„Истрагата утврди дека руските војници го погодиле градот Краматорск, најверојатно со ракета Искандер-М. Мета на окупаторите биле станбена зона каде двајца новинари на странски медиум на возраст од 38 и 40 години биле повредени во локален хотел… Уште еден нивен колега најверојатно е под урнатините“, се вели во соопштението.
Градоначалникот на Краматорск, Олександр Гончаренко, на Телеграм објави дека еден од новинарите кои беа повредени во ракетниот напад е во тешка состојба.
