„Ѓаволите“ не можат повеќе да го толерираат Ерик тен Хаг, па откако резултатите не се подобрија, попладнево пристигна информација дека Холанѓанецот добил отказ.
„Ерик тен Хаг ја напушти позицијата тренер на првиот тим“ – гласеше известувањето на клубот од Олд Трафорд.
Руд ван Нистелрој ќе биде привремено решение додека да се именува нов предводник на Манчестер јунајтед.
Ерик тен Хаг беше именуван за тренер на „ѓаволите“ во април 2022 година, освои по еден трофеј во Лига Купот и ФА Купот, но резултатите во Премиерлигата и Европа се далеку под очекувањата и разделбата беше неминовна.