Мечот беше прекинат на почетокот од втората четвртина кога на теренот беа фрлени голем број петарди и чадни бомби. Прво кошаркарите на МЗТ Скопје побегнаа во соблекувалната, а потоа и тие на Работнички.
Прекинот траеше дури 85 минути, мечот продолжи откако полицијата ја испразни салата.
На теренот МЗТ Скопје доминираше во текот на целиот меч, на полувремето водеа со 20 поени разлика, беше 48-28, на крајот славеа со 70-56.
Копривица со 15 поени беше најефикасен кај МЗТ, додека кај поразените Стојан Ѓуровски заврши со 12 поени.
