Министерството го обнови предупредувањето до медиумите и социјалните мрежи да „не упатуваат произволни повици да одат во болници за да даруваат крв, бидејќи тоа би ги збунило службите за спасување и итната помош и би ја попречило брзината на движење во време кога во оваа фаза нема потреба од дополнителни единици крв“.
Се наведува дека „постои јасен механизам координиран со Црвениот крст, со цел да се обезбедат крвни единици што е можно побрзо на вистинските места кога е потребно“, посочува либанската новинска агенција.
Ројтерс попладнево објави дека израелската армија (ИДФ) наредила жителите на 23 села во јужен Либан да се евакуираат во областите северно од реката Авали, која тече низ западната долина Бека и се влева во Средоземното Море.
