Како што соопштија од партијата, на конгресот присуствуваа бројни високи политички претставници од земјата, како и од Република Турција и соседните држави.
„Во своето обраќање, претседателот Ибрахим истакна дека Партијата за движење на Турците, во текот на своето 25-годишно постоење, покажа дека се разликува од останатите политички субјекти, благодарение на својата визија, капацитет, идеали, достоинство и принципи. Ибрахим нагласи дека патот кон Европската Унија мора да продолжи, бидејќи членството во ЕУ ќе донесе европски стандарди, независно судство, повисоки плати, субвенции и демократски развој, што ќе ја унапреди положбата на турската заедница во Северна Македонија“, стои во соопштението.
На конгресот се избрани и новите членови на Централното собрание на партијата.
