Најефикасен на мечот не беше Јокиќ, неговиот соиграч Џемал Мареј постигна 32 поени, српскиот кошаркар имаше еден поен помалку, но погледите и честитките одат на негова адреса.
Јокиќ имаше 11 скокови. Стана лидер по бројот на остварени скокови во историјата на Денвер. Тој сега има 6.631 прифатени топки и го помина Ден Ајсел кој безмалку четири децении беше најдобар во оваа категорија. Уште од минатата сезона Јокиќ е прв асистент во постоењето на Нагетс, а се наоѓа на четвртата позиција на листата на стрелци, зад Алекс Инглиш, Ден Ајсел и Кармело Ентони.
Во тимот на Бруклин, кој го претрпе петтиот пораз во низа, најдобри беа Томас со 18 и Џонсон со 17 поени.
Резултати:
Филаделфија – Торонто 121-111
Бруклин – Денвер 117-122
Хјустон – Далас 122-96
Мајами – Атланта 122-113
Голден Стејт – Вашингтон 129-118
Сакраменто – Феникс 120-105
