недела, 20 октомври 2024

Делчево ги залови кучињата скитници

Објавено на

часот

Сподели

„Во рамки на денешната акција беа заловени десетина кучиња скитници, од страна на Ветеринарната станица од Виница која е  должна да изврши заловување, прифаќање и третирање на кучиња скитници во Општина Делчево, по претходно писмено барање и во присуство на службени лица вработени во Општина Делчево, со комплетна евиденција за секое фатено куче и извештај доставен до Општината, а согласно позитивните законски прописи од оваа област“, информираа од општината.

Во случај на заловување на регистрирани кучиња на територијата на Општина Делчево, економскиот оператор е должен сам да стапи во контакт со сопствениците и трошоците за третман да ги наплати од самите сопственици.

„Економскиот оператор согласно договорот има право да врши испитувања и дејствија врз кучињата, а согласно Законот за заштита и благосостојба на животните. Тука спаѓа заловување и чување на регистрираните и нерегистрираните кучиња, лабараториско испитување за заразна болест лајшманиоза  овариохистеректомија (стерилизација) на кучиња – женки, орхиектомија (кастрација) на кучиња – машки, идентификација и регистрација – обележување со микрочип и ушни маркички со изработка на досие  вакцинација против беснило и дехелментизација со средство кое делува против ехинококоза како и тест за социјализација на куче и еутаназија“, додадоа од општината.

Вредноста на договорот изнесува 500 илјади денари без вклучен ДДВ, парични средства кои се обезбедени од Буџетот на општина Делчево за 2023 година.

ТОП ВЕСТИ

ПОСЛЕДНИ ВЕСТИ