Голден Арт продолжува да ги обновува соработките со играчите кои веќе се дел од нивниот тим, овојпат тоа го направија Даскалоски и Даев.
„Искусниот чувар на мрежата Златко Даскалоски и еден од играчите со најголем стаж во клубот Давид Даев и следната година ќе бидат дел од Голден Арт.
Давид Даев кој е дел од Голден Арт од самото формирање на клубот, последните години се профилира во стандарден член и важен дел од тимот, како во одбрана, така и во напад. 22-годишниот Даев потпиша договор со клубот со важност на две години.
Златко Даскалоски, поранешниот чувар на мрежата на националниот тим, пристапи на тимот пред две сезони, носејќи стабилност и квалитет на голот на тимот од Аеродром. Покрај главната задача во улога на чувар на мрежата, Даскалоски е задолжен за работа со голманите, пренесувајќи го своето искуство на помладите колеги од младинските категории на Голден Арт. Даскалоски се договори со клубот за соработка во период од една година, до следниот јуни 2024 година“, стои во соопштението на клубот од Аеродром.
Од клубот информираат и дека добар дел од играчите на шампионскиот тим од младинската конкуренција, ќе се префрлат во сениорскиот тим за следната сезона.
