Амбасадорката на САД во Скопје, Анџела Прајс Агелер, во изјава за Алсат за случувањата во Судскиот совет и постапувањето на ова тело во однос на политичките притисоци врз Врховниот суд, истакна дека Советот не успеал во целост да ги исполни нејзините обврски законски и дека тоа не е правдата што ја очекуваат жителите на оваа земја.
„Судскиот совет, теоретски независен орган има одлучувачка одговорност за именување квалификувани судии и дисциплинирање на оние кои не ги исполнуваат највисоките стандарди. Мандатот на Советот е да обезбеди правилно и транспарентно функционирање на судството во оваа земја. Жал ми е што можам да кажам дека видовме малку докази за исполнувањето на овие свети должности. Граѓаните на оваа земја заслужуваат подобро“, изјави Агелер.
Агелер зборувајќи за застареноста на обвиненијата во случајот ТНТ рече дека очекува Апелациониот суд да биде надлежен за исполнување на законските обврски. Шефицата на американската дипломатија во земјава вели дека сѐ уште нема информации за одлуката на Апелација, но додава дека второстепениот суд мора да одлучи согласно законот.
„Не ја видов одлуката на Апелациониот суд за отфрлање на обвиненијата во случајот ТНТ, но внимателно ќе ја испитаме, надевајќи се дека одлуката е транспарентна и во согласност со законот“, вели Агелер.
Коментарите на Агелер доаѓаат неколку дена откако таа одржа работна средба со претседателката на Врховниот суд, Беса Адеми, која јавно ги осуди политичките притисоци врз неа и врз институцијата што ја води, особено по барањето за враќање на аболицијата од 2016 година.
