Во Атина протестираа повеќе од 20.000 луѓе. Некои од нив фрлаа Молотови коктели пред парламентот, а полицијата одговори со солзавец пред да се растури толпата, пренесува Франс прес. Пред парламентот со црвена боја беа испишани имињата на 57 луѓе кои загинаа на 28 февруари 2023 во најсмртоносната несреќа во историјата на Грција.
In Athens, the capital of Greece, tens of thousands of people participated in a general strike and march, while clashes broke out between police and protesters. #antireport #strike #Athens #Greece #GeneralStrike pic.twitter.com/LN9kfstgZa
— Partizan Yunanistan (@partizanGreece1) February 28, 2024
Слични инциденти избија и во Солун каде, според полицијата, се собраа околу 10.000 луѓе. Грција е делумно во штрајк на повик на главниот синдикат на јавниот сектор АДЕДИ, кој претставува околу половина милион работници. Речиси целиот јавен сообраќај, од возови до траекти, стои 24 часа.
#Athens | General strike across #Greece on the first anniversary of the #Tempi train crash
Over 30,000 people took to the streets in Athens, commemorating the victims and demanding accountability for responsible.
Clashes broke out between protesters and police in front of the… pic.twitter.com/BRacj8s7qB
— Vedat Yeler (@vedatyeler_) February 28, 2024
На местото на железничката несреќа повеќе од илјада луѓе, главно членови на семејствата на жртвите, преживеаните и спасувачите, се собраа во тешка и тажна атмосфера, пишува Франс прес. Венци и фотографии од жртвите во близина на железничката пруга оставија родителите на жртвите.
Athens…
The demonstration forces the police forces to withdraw#February28 national #strike in Greece#απεργια #huelga #greve #solidarity #workers #φλεβαρη28 #απεργια28Φλεβ pic.twitter.com/UmXehkNB9O— PAME Greece International (@PAME_Greece) February 28, 2024
На 28 февруари 2023 пред полноќ патнички воз кој сообраќал меѓу Атина и Солун се судри со товарен во воз на околу 300 километри северно од грчката престолнина. Дваесетина минути пред несреќата двата воза, од кои едниот со повеќе од 350 патници, патувале по истиот колосек без активирање на алармот.
Неколку часа по несреќата беше уапсен шефот на железничката станица. Од тогаш десетици се обвинети во врска со случајот, и се води постапка. Владата соопшти дека судењето веројатно ќе почне во јуни.
Tens of thousands protest on one-year mark since train tragedy, which claimed the lives of 57 people, in Athens, Greece on February 28, 2024.#τεμπη pic.twitter.com/PMyyktIOTv
— DimitrisLampropoulos (@LampDim) February 28, 2024
Многумина преживеани и родители на жртви бараат политичарите, кои според грчкиот закон се заштитени од кривичен прогон и само парламентот може да ги истражи, да преземат одговорност за недостатоците на безбедносниот систем.
„Како премиер, како граѓанин и татко, ја делам тагата на земјата“, кажа Мицотакис во телевизиско обраќање, ветувајќи дека ќе ги поправи хроничните недостатоци на државата. „Нашата мисија е болката да ја претвориме во дело“.
