Володимир Зеленски синоќа ги поздрави украинските сили, кои заземаат територија „во сите правци“ низ голем дел од истокот на земјата разурната од војна.
Во својата најоптимистичка оценка досега за контраофанзивата на Украина, тој во своето доцна вечерно обраќање рече дека „ова е среќен ден“.
Украинските трупи се чини дека зајакнаа среде превирањата во руската војска предизвикани од бунтот на групата Вагнер, пренесе Јаху.
Обраќајќи ѝ се на нацијата во понеделникот вечерта, Зеленски рече: „Денес – фронтот. Доњецка област, Запорожје. Нашите воини, нашите позиции на фронтот, областите на активни операции на фронтот.“
„Денес нашите воини напредуваа во сите правци и ова е среќен ден. Им посакав на момците уште вакви денови“.
Yesterday, I had talks with partners, including President Biden, primarily about arms supplies. Today, I was in the area where these weapons will give more power, more protection to Ukrainians’ lives. And bring our victory closer, this is the main thing. All our land will be free… pic.twitter.com/uJgs7971jF
— Володимир Зеленський (@ZelenskyyUa) June 26, 2023
„Пазете се. Ако ги спасите своите животи, ќе ја спасите Украина“, им порача претседателот на војниците на фронтот.
Командантот на украинските копнени сили Олександар Сирски го информирал Зеленски за ситуацијата на фронтот. Генералот претходно објави дека руски војници биле турнати зад каналот југозападно од Бахмут, пренесува Дпа.
Украинските војници напредуваа 1,5 километар длабоко во териториите окупирани од Русија во правец на Мелитопол.
„Како резултат на систематски притисок, одбранбените сили во правец на Таврија беа успешни и напредуваа 1,5 километар длабоко во окупираните територии во правец на Мелитопол“, изјави портпаролот на одбранбените сили во правец на Таврија, Валери Шершен, пренесува Укринформ.
„Украинските воздухопловни сили направија мал напредок источно од селото Краснохоривка, во близина на градот Доњецк, кое се наоѓа на старата линија на контрола“, соопшти Министерството за одбрана во Лондон.
„Ова е еден од првите случаи од почетокот на руската инвазија во февруари 2022 година, кога украинските сили многу веројатно повторно зазеле територија окупирана од Русија од 2014 година.“
Во брифингот се додава: „Неодамнешните повеќекратни истовремени украински напади низ Донбас веројатно ги преоптоварија Доњецката Народна Република и чеченските сили што дејствуваат во оваа област“.
