На тој начин ја искоментира изјавата на украинскиот претседател Володимир Зеленски за неговата намера во ноември да одржи втор „мировен самит“ и на него да ја повика Русија, пренесуваат руските агенции.
„Претставници на Русија не учествувале на никакви состаноци во рамки на таканаречениот мировен самит за Украина одржан во Швајцарија на 15 и 16 јуни и немаат ни намера да учествуваат“, истакна Захарова.
„Таканаречениот втор самит тежнее кон истата цел – да се протурка апсолутно неодржливата „формула на Зеленски“ како основа за решавање на конфликтот без алтернатива, да се добие поддршка од светското мнозинство и на Русија да ѝ се постави ултиматум за предавање. Ние не учествуваме на такви „самити““, додаде таа.
Според Захарова, Москва не се откажува од политичко и дипломатско решавање на кризата и спремна е да разговара за навистина сериозните предлози кои ја земаат предвид ситуацијата на теренот, новонастанатата геополитичка реалност и соодветната иницијатива на рускиот претседател Владимир Путин од 14 јуни.
„Без Русија и без водење сметка за нејзините интереси е невозможно да се постигне правично и одржливо решение“, истакна таа.