Тој бил приведен во полициска станица и известен е јавен обвинител, а по целосно расчистување и документирање на случајот, ќе следува соодветна пријава.
Како што веќе објавивме, пожарот се случил вечерва околу 18 часот во казино во зграда во новиот дел на Велес. Во тоа време во казиното имало вработени и повеќе играчи. Поради густиот чад зградата ја напуштиле сите станари.
Од Центарот за управување со кризи информираат дека десетина пожарникари од Територијалната противпожарна единица Велес со две противпожарни возила интервенирале во гасењето на пожарот.