Вучиќ на социјалните мрежи потсети дека денес се навршуваат 25 години од почетокот на НАТО агресијата и дека 19-те најмоќни и најсилни ја нападнаа Србија, без какво било право и за прв пат без одлука на Советот за безбедност на Обединетите нации.
„78 дена ни ја уништуваа земјата. Ни ги убиваа децата. Ни ја парчосуваа територијата. Сепак, и покрај сè, Србија живее. Разбудена. Посилна, Похрабра, Пркосна. И повеќе од сè, слободна. Слободата е повеќе од воздух, слободата никогаш нема да можат да ни ја земат. Ќе живее Србија!“, порача Вучиќ.
Српскиот претседател Вучиќ ќе присуствува денес во Прокупље на централната манифестација по повод одбележувањето на Денот на сеќавањето на настраданите во НАТО агресијата во 1999 година.
