Тој е обвинет дека е член на ПКК, која е забранета во Турција.
Озер од Републиканската народна партија (ЦХП) ги негираше обвинувањата, а партијата рече дека ќе го брани од „неоснованите обвинувања“, пренесува Ројтерс.
Водачот на ЦХП, Озгур Озел, рече дека апсењето се заснова на „апстрактни обвиненија“ и има за цел „да ѝ наштети на волјата на народот“.
„Несомнено ќе го победиме овој гнасен ум кој не ја признава нацијата и не го почитува изборот на народот и ќе го осуетиме овој одвратен план“, наведе тој на социјалната мрежа Икс.
Партијата денеска ќе заседава во главниот штаб во Есенјурт, а Озел ги повика граѓаните на протест пред градската општина.
ПКК веќе четири децении води бунт во југоисточна Турција, со повеќе од 40.000 загинати во конфликтот. Турција и многу западни земји ја прогласија за терористичка група.
Турската агенција Анадолија јави дека вчера турската полиција уапсила 12 лица осомничени дека се членови на ПКК.
