Во потрагата по девојчето се користат и хеликоптери и дронови со термални камери, доброволци можат да се вклучат во потрагата во координација со полицијата, јави утринава РТС.
Полицијата и доброволците одат од куќа до куќа за да најдат некаков траг, кој ќе помогне во потрагата по исчезнатата Данка.
По исчезнатото дете се трага веќе повеќе од 18 часа, но и понатаму нема никакви информации.
Потрагата се интензивира, а во текот на ноќта пристигнале уште 20 жандармериски возила.
Надлежните апелираат до граѓаните да не тргнуваат самоиницијативно во потрага, за да не ги попречуваат искусните и луѓето обучени за потрага.
Пристапот до Бањско поле е блокиран, а на приодот кон тоа место се поставени контролни пунктови на кои полицијата ги прегледува возилата.
Се испрашуваат и сите „лица од безбедносен интерес“ кои претходно имале проблеми со законот.
Девојчето Данка Илиќ, кое исчезнало вчера околу 13:45 во борската населба Бањско поле, има кафена коса, кафени очи и висока е околу 85 сантиметри.