четврток, 25 јули 2024

ВМРО-ДПМНЕ: Целосна ДУИ-зација на Македонија овозможена од СДС и од Ковачевски

СДС и Димитар Ковачевски целосно ја уништија Македонија. Со назначувањето на Талат Џафери за технички премиер, на Македонија ѝ се случува целосна ДУИ-зација. Уште еднаш на дело се покажа и докажа дека ДУИ е власт, а СДС подизведувач. Како Ахмети им свири, така Ковачевски и СДС играат, соопшти ВМРО-ДПМНЕ.

Објавено на

часот

Сподели

„Ковачевски само за да опстои уште некој месец, спремен е се да им отстапи на ДУИ и Ахмети и тоа на штета на македонскиот народ. СДС и Ковачевски не го прифаќаа предлогот на ВМРО-ДПМНЕ за укинување на техничката влада, за да може Џафери да биде премиер. Криминалците од ДУИ целосно го преземаа управувањето со државата, затоа и во Македонија цвета криминалот и корупцијата.

Џафери или командант Форина во 2001 година дезертирал од македонската Армија и преминува во УЧК. А јавноста е сведок и на низа прекршувања на собраниски процедури од страна на Џафери, како употреба на европското знаменце на закони кои немаа врска со европската регулатива, само имаа врска со криминалиите на ДУИ, заклучување на вратите на пленарната сала за да не можат другите пратеници да се пријават за дискусија за дневниот ред, како и недоличното однесување и навредување кон собраниските службеници.

На Македонија ѝ се случува ДУИ-зација, а Ковачевски е директно одговорен за тоа. Има ли некој од СДС што му останало барем грам достоинство за веднаш да му се спротивстави на Ковачевски?

Затоа на следните избори СДС и Ковачевски мора да бидат поразени. За Македонија да оди напред, СДС и Ковачевски мора да заминат“, се вели во соопштението на ВМРО-ДПМНЕ.

ТОП ВЕСТИ

ПОСЛЕДНИ ВЕСТИ