Станува збор за снимање на сцени од филмот „Осветлен“ во режија на Срѓан Јанаќиевиќ.
„Предвидено да се снима на потегот помеѓу булевар Трета македонска бригада и булевар Србија. Ќе биде затворена едната сообраќајна лента од крстосницата со булевар Борис Трајковски до крстосницата со булевар Трета македонска бригада. На истиот потег за време на снимањето ќе биде овозможено движење само на автобусите на јавниот градски превоз, товарните возила и на амбулантните возила. За време на снимањето обезбедена е полициска асистенција од СВР Скопје“, велат од продуцентската куќа „Ново македонско видео“ од каде информираат дека филмот се снима на повеќе локации низ Скопје.
Фото: П.Џ.
