Во неделата, Крим беше погоден од големо невреме, наречено „Бетина“ од грчките метеоролози, кое според прогнозите ќе резултира со бранови високи од 8 до 10 метри, според новинската агенција Некста, и ќе загрози многу области со поплави, пишува Њузвик.
„Крим го погоди силно невреме“, напиша вчера агенцијата Некста во објава на Икс, платформата порано позната како Твитер, заедно со видеа на кои се гледаат бранови и поплави низ регионот.
„Урагански ветрови до 40 метри во секунда корнат дрвја и уништуваат покриви. Многу области на Евпаторија се поплавени, а јавниот превоз е запрен во Севастопол. Невремето стигна до Русија: најсилни ветрови беснеат во Анапа и Краснодар“, се наведува во соопштението.
Crimea was hit by a severe storm
Hurricane winds of up to 40 meters per second are ripping out trees and tearing off roofs. Many districts of Yevpatoria are flooded, and public transport has been halted in Sevastopol.
The storm has reached Russia: the strongest winds are raging… pic.twitter.com/NKHH5C9LFS
— NEXTA (@nexta_tv) November 26, 2023
Антон Герашченко, советник на министерот за внатрешни работи на Украина, ја сподели веста за невремето од локалните медиуми, тврдејќи дека невремето ја однело руската одбрана, вкопана на плажите на полуостровот.
„Невремето ги однесе рововите на окупираниот Крим што руската војска ги ископа на плажите“, напиша Герашченко на Икс. „Според информациите од кримските медиуми, во Евпаторија водата ја однела одбранбената линија на брегот“, додаде тој.
A storm washed away trenches in occupied Crimea that Russian army dug out on the beaches.
According to information from Crimean media, in Yevpatoria the water washed away the defense line on the coast, engineering buildings and firing positions.
The speed of wind at the coasts… pic.twitter.com/D9fFoISSYK
— Anton Gerashchenko (@Gerashchenko_en) November 26, 2023
Во друга објава, авторот и одбранбен аналитичар Ејч Ај Сатон сподели фотографија од еден од клиповите објавени од Герашченко. На него се гледа дека руската крајбрежна одбранбена линија е погодена од бранови, со слика на една од линиите што се гради за споредба.
„Како почна. Како оди“, напиша Сатон. „Руската одбрана на плажа на Крим е силно погодена од невремето“, додаде тој.
How it started. How it’s going.#Russian beach defenses in Crimea being hit hard by the storm, possibly much washed away.
(Photos not exact same location, but good indication what to expect) pic.twitter.com/o1AfM4Eda1
— H I Sutton (@CovertShores) November 26, 2023
Русија ја презеде контролата врз Крим во 2014 година преку воена окупација и гласање на референдум, потег што нашироко беше осуден на светската сцена. Во услови на тековната војна во Украина, која започна во февруари 2022 година, Русија тврди дека признавањето на Крим од страна на Украина како руска територија е примарен услов за ставање крај на конфликтот. Украина пак го одби ова барање и го вклучи полуостровот во листата на окупирани региони што има за цел да ги ослободи од руската контрола.
