Високиот американски функционер ги отфрли обвинувањата дека воената помош која на Киев му ја испрати администрацијата на претседателот Џо Бајден може да се означи како „премалку и предоцна“.
„Напротив, Украина доби повеќе оружје благодарение на САД“, кажа тој. „Кога станува збор за Ф-16, претседателот Бајден го одобри испраќањето на Ф-16 во Украина минатиот мај“.
„Сега е декември 2024 и имавме ограничен број пилоти кои се обучени не затоа што не сме спремни да ги обучуваме – ние сме, колку што е тоа можно – туку затоа што Украинците немаат пилоти за да можат да изградат полна борбена способност на ескадрила Ф-16 на време“, истакна Саливен.
Портпаролот на Стејт департментот Метју Милер, пак, изјави дека Соединетите Американски Држави и нивните сојузници се спремни да опремуваат и обучуваат нови украински војници ако властите на таа земја ја прошират мобилизацијата и регрутираат поголем број војници.
