Еден турист предизвика бес во петокот откако со клучеви го врежал своето и името на друго лице на ѕидовите на римскиот Колосеум.
Некои од присутните ја снимиле сцената, која најверојатно се случила на 23 јуни, а видеото заврши на социјалните мрежи и ја алармираше полицијата, пренесува Анса.
На видеото се гледа прикажува туристот, облечен во кошула и шорцеви, како врежува нешто што личи на „Иван + Хејли 23“ на зградата стара речиси 2.000 години.
„Дали си сериозен, човеку?“, го прашува лицето зад камерата додека резбарот, веројатно Иван, се врти со пакосна насмевка, а жената до него не прави ништо.
„Ова е заеб*но, човеку. Глупав шупак“, продолжува видеографот заминувајќи кон група туристи.
Fury after tourist scrawls into wall of Rome’s ancient Colosseum https://t.co/2y2jXuNq6A pic.twitter.com/J7p59MuFHQ
— Daily Mail Online (@MailOnline) June 27, 2023
Видеото беше објавено и на Редит, каде што неколку корисници почнаа да повикуваат на апсење на престапникот.
„Му го имаат лицето, па се надеваме дека ќе биде уапсен и обвинет“, рече еден корисник.
Снимачот на видеото вели дека им го покажал видеото на вработените во Колосеумот, но „не им било многу гајле“.
„Многу сериозен и недостоинствен чин и знак на недостиг од манири. Се надевам дека сторителот ќе биде идентификуван и санкциониран според нашите закони“, изјави министерот за култура Џенаро Сандуљано.
Според италијанскиот закон, доколку човекот некогаш биде фатен, најверојатно ќе се соочи со парична казна до речиси 22.000 долари, како и евентуална затворска казна бидејќи Колосеумот е прогласен за светско наследство.
Но ова не е првпат некој да се обиде да остави свој белег на историскиот амфитеатар.
Во 2015 година двајца американски туристи добија траен „сувенир“ од криминално досие, откако италијанските полицајци ги фатија откако ги беа врежале своите иницијали на градбата, а потоа направиле селфи со доказот.
Двајцата туристи беа обвинети за „тешка штета на зграда од историски и уметнички интерес“, според италијанскиот весник „Ла Стампа“, и добија казна од 21.808 долари.
