Со возило на брза помош повредените се однесени во општата болница во Гостивар. Според првичните сознанија несреќата се случила на излезот од Гостивар на магистралниот пат Гостивар Кичево во близина на Новоселски мост. Судрени се две возила – патничко моторно возило волво и товарно возило мерцедес и двете со скопски регистарски ознаки.
Според информациите, во несреќата тешко се повредени возачот на волвото и сопатникот од мерцедесот, а со телесни повреди се здобил возачот на мерцедесот.
Сообраќајот е во прекин што е причина да се создадат долги колони со возила во двата правци.
Портпаролот на СВР Тетово, Фатмир Реџепи детали за несреќата најави подоцна во текот на денот.
