Македонските фудбалери можеби и не блескаа, но дадоа дури три гола и ја остварија целта по која отидоа во Летонија.
Натпреварот беше изедначен, двете селекции имаа свои можности, ние ги искористивме нашите и на крајот дојдовме до убедлива победа.
Имавме иницијатива во првото полувреме, но не бевме многу опасни кон голот на Летонците. Сепак во 35. минута направивме една фантастична акција, Елмас убаво додаде до Миовски кој асистираше до Атанасов, а тој реализираше за водство на Македонија од 1-0.
— goals (@StefanDaskalov5) October 10, 2024
Во финишот од првото полувреме Летонија можеше да изедначи, но Димитриевски имаше две одлични интервенции со кои го спаси нашиот гол.
Вториот дел го почнавме лошо, бевме без идена, Летонија се закануваше по нашиот гол, но не успеа да изедначи. Казната за нивните промашени шанси дојде во 70. минута. Тогаш Димитриевски упати еден долг деганжман кој дојде до Ќамили а тој реализираше за предност до 2-0. Ова беше негов деби гол за Македонија.
— goals (@goals9961429696) October 10, 2024
Тоа не беше се, во судиското продолжение од натпреварот, една топка дојде до Елиф Елмас кој со силен шут ја смести во мрежата на домаќините за победа од 3-0.
— goals (@goals9961429696) October 10, 2024
Следниот натпревар на Македонија е веќе во недела, исто така од 18 часот. Гостуваме кај Ерменија во Ереван, тоа може да биде и клучниот дуел за првото место во групата.
