На митингот во Шарлот, Трамп на своите приврзаници им порача дека Бајден се откажал од претседателската трка, затоа што губи според сите анкети, пренесува Воис оф Америка.
Поранешниот американски претседател ја опиша Камала Харис како „ултралиберална движечка сила“, која би требало да одговара за имиграциската политика на администрацијата на Бајден.
„Како личност надлежна за границата, Камала ги отвори нашите граници, дозволувајќи им на 20 милиони илегални странци да влезат во нашата земја од целиот свет“, рече Трамп.
Поранешниот претседател ја опиша потпретседателката Харис како најлибералниот политичар некогаш избран во американската историја.
„Таа е лудачка на радикалната левица, која ќе ја уништи нашата земја ако некогаш биде избрана. Нема да го дозволиме тоа“, рече Трамп во Северна Каролина, една од неколкуте држави што се сметаат за клучни за победата на претседателските избори на 5 ноември.
