Во соопштението на подмладокот на СДУ се наведува дека тој орден пред Тадиќ го добиле и неколку хашки обвинети и дека српскиот претседател со тоа го „обезначил своето присуство на комеморацијата на жртвите на геноцидот во Сребреница, но и сите други активности за воспоставување доверба во регионот, и процесот на соочување со минатото“.
Според СДУ, со тој орден пред Тадиќ биле одликувани Билјана Плавшиќ, која пред Меѓународниот трибунал во Хаг ја призна вината за воените злочини, Момчило Краишник, кој од истиот суд доби 27 години затвор, но и Ратко Младиќ и Радован Караџиќ.. Истиот орден, но од понизок ранг, го има добиено и поранешниот претседател на СРЈ Слободан Милошевиќ. Тадиќ беше одликуван со орденот вчера на 20-годишнината од постоењето на Република Српска.
