Според поранешниот министер за надворешни работи на Естонија, Маргус Цахкна, руски борбен авион прелетал над Балтичкото Море додека се обидувал да го заштити танкерот Јагуар, кој минатата недела беше ставен на листата на санкционирани бродови на Велика Британија.
Објавено е и видео од инцидентот.
❗️It is reported that the Estonian military made an attempt to arrest a JAGUAR tanker of Russia’s shadow fleet that was on its way to a Russian port under the flag of Gabon.
A Russian Su-35 flew into the Estonian airspace to help the tanker out. Estonia accused Russia of… pic.twitter.com/ysslihSDIC
— Anton Gerashchenko (@Gerashchenko_en) May 14, 2025
Естонската морнарица соопшти дека танкерот пловел во меѓународни води меѓу Естонија и Финска, ги игнорирал наредбите за промена на курсот и на крајот бил придружуван кон руските територијални води.
„Руската Федерација испрати борбен авион да ја провери ситуацијата, а тој авион го наруши воздушниот простор на НАТО околу една минута“, изјави Цахна за новинарите. „Руската Федерација е подготвена да ја заштити „флотата во сенка“… Ситуацијата е навистина сериозна.“
Руски борбен авион Су-35 се приближи до танкерот и кружеше околу него. Според портпаролот на Естонските одбранбени сили, авионот останал претежно во меѓународниот воздушен простор, но накратко влегол во естонскиот воздушен простор додека се приближувал.
Москва сè повеќе ја користи таканаречената флота во сенка – група од повеќе од стотина бродови кои избегнуваат откривање и надзор со цел да извезуваат нафта во земји како Кина и Индија, заобиколувајќи ги западните санкции. Руските власти тврдат дека сите нивни бродови имаат право на слободна пловидба и дека секој обид за мешање е „неприфатлив и опасен“.
