Официјалната одлука за продолжување на неговиот мандат најверојатно ќе биде донесена следниот вторник на состанокот на постојаните претставници на земјите од НАТО во Брисел.
Столтенберг повеќе пати изјави во последните неколку месеци дека не сака нов мандат, но според негови блиски извори, тој прифатил да продолжи да работи од „чувство на должност“.
Американските политичари постојано го фалеа Столтенберг за успешното раководење на Алијансата од почетокот на руската инвазија на Украина, а американскиот претседател Џо Бајден овој месец изјави дека тој направил „неверојатна работа“.
