„Ирска целосно го поддржува барањето на Северна Македонија да стане членка на Европската Унија. Ние се приклучивме на ЕУ пред 15 години, бевме неразвиена држава, дури и релативно сиромашна држава, според европски стандарди. Приклучувањето на ЕУ ни помогна да ја трансформираме нашата економија, да ја надградиме, за да можат младите да останат дома и да ги градат своите животи таму, како и да откријат и други можности”, вели во видео обраќањето ирскиот премиер.
Варадкар, истакнува дека членството на Ирска во ЕУ, помогнало земјата да го заштити својот национален идентитет. Премиерот на Ирска посакува што побрзо Македонија да стане членка на големото европско семејство.
„Членството во ЕУ ни помогна да го заштитиме и сочуваме нашиот национален идентитет. Многумина во тоа време велеа дека Ирска ќе биде проголтана од големата Европска Унија, но Унијата не функционира така. Таа ги почитува националните идентитети и диверзитетот. И со нетрпение очекувам Северна Македонија да се приклучи на семејството на ЕУ што е можно побрзо”, вели Лео Варадкар, премиерот на Ирска.
На маргините од третиот Самит на Европската политичка заедница, во Гранада, Шпанија, Варадкар вчера оствари средба со македонскиот премиер, Димитар Ковачевски на која меѓу другото било разговарано за „пријателските односи меѓу двете држави, кои се без отворени прашања, како и заинтересираноста за натамошно унапредување на односите и интензивирање на соработката во сите домени од заеднички интерес, пред сè на економски план“.
„
