„Некој треба да одговори како трошел по фирмички за китење годишно помеѓу 90.000 и 245.000 евра пари на граѓаните кои завршувале во приватни џебови, а сега градот се кити за 30.000 евра. Минатата година, во време на најголемата глобална економска и енергетска криза, градот беше накитен без дополнителни трошоци, а средствата предвидени за китење, но и трошоците кои порано се правеле за ручеци и пиење по кафани, беа наменети за ранливите категории на граѓани“, пишува во соопштението на Град Скопје.
Оттаму информираат дека и оваа година ќе има украсување, но за драстично пониска сума од она што досега секоја година се трошело на украсување на градот, преку, како што се вели, сомнителни набавки.
