На прашањето дали се надева дека бунтот ќе стави крај на владеењето на Путин, тој рече дека тоа нема да има смисла бидејќи не е јасно дали тоа кое што ќе дојде по него ќе биде подобро. „Трупите на Вагнер се воена единица која дејствува многу агресивно низ целиот свет, и многу конкретно во војната на Русија против Украина“, рече тој.
Германскиот канцелар, сепак, истакна дека верува оти неуспешниот бунт го ослабнал Путин. „Верувам дека е ослабен бидејќи тоа покажува дека автократските структури на моќ имаат пукнатини во нив и дека тој не е толку цврсто на седлото како што тврди секогаш“, заклучи тој за германската телевизија АРД.
