„Шефот на руската армија ги разгледа подготовките и спроведувањето на вежбите за возење и гаѓање на екипажите на тенковите Т-90“, објави Министерството на својот канал на комуникациската платформа Телеграм. Министерот ја изврши инспекцијата на полигон на југот на Русија.
Новите војници со ограничени договори подлежат на обука од 38 дена за да се подготват за активна должност и тоа се мешани вежби со различни гранки на војската, вклучително и механизирани стрелечки, оклопни и артилериски единици.
Shoigu verified the training of contract soldiers at the Southern Military District training grounds, conducting driving and combat lessons on the newest T-90M Proryv-3 “Breakthrough” tank crews. pic.twitter.com/a5xDXWeVcL
— Trollstoy (@Trollstoy88) July 8, 2023
Иако руските сили главно се во одбрана, особено на југот на Украина, Москва досега негираше дека има намера да продолжи со мобилизацијата и тврди дека неодамна регрутираните војници, кои се со договори поврзани со Министерството за одбрана, се доволни за потребите на боиштата.
Шојгу беше критикуван за начинот на кој ја водеше војната. Прекинатиот бунт на платеничката група Вагнер минатиот месец беше насочен директно кон руското воено раководство. Шефот на Вагнер, Јевгениј Пригожин, кој со години профитираше од договорниот систем во армијата, одеднаш почна да се жали на корупција, непотизам и неспособност. Шојгу, кој исчезна од јавноста за време на краткиот бунт, сега го зголеми своето присуство во медиумите.
