„Мислам дека е сосема погрешно да се глуми дека постои само НАТО, а дека сите други се илузионисти и не ја гледаат реалноста“, кажа Шаленберг за австрискиот јавен сервис ОРФ.
Тој наведе дека Австрија е воено неутрална, но истакна и дека секогаш имала свој став.
Коментирајќи ја дебатата за испраќање воени трупи во Украина, која ја отвори францускиот претседател Емануел Макрон, Шаленберг кажа дека таа е „излишна и непотребна“.
„Нема да дозволиме да бидеме вовлечени во тоа. Ова не е конфликт меѓу НАТО и Русија“, порача австрискиот министер.
Зборувајќи за војната во Газа и сè погласните критики на сметка на Израел, Шаленберг порача дека „Израел има право на самоодбрана“.
„Тоа, нормално, не е бланко чек. Црвената линија е меѓународното право“, истакна шефот на австриската дипломатија.
