„Дали сме спремни? Одговорот е да! Нашата главна задача е да бидеме спремни“, кажа Бауер во интервју за изданието на украинското министерство за одбрана Армијаинформ, и додаде дека ако конфликтот се случи веднаш, ќе се борат со она што го имаат.
Бауер истакна дека трупи на НАТО не се присутни во Украина, ниту пак западниот воен пакт планира да ги испрати таму.
„Но ако некоја земја одлучи таму да испрати свои трупи, тоа нема да има врска со остатокот од Алијансата. Се обврзавме дека ќе си помагаме едни на други ако некоја членка се најде во тешка ситуација. Значи, државите од НАТО ќе се консултираат пред донесување таква одлука“, кажа тој.
Покрај тоа повтори дека еден од условите за членство на Украина во НАТО е немање воени операции на нејзина територија.
Бауер претходно, на Киевскиот безбедносен форум, кажа дека западниот воен пакт инсистира на продолжување на мобилизацијата во Украина, и покрај тешкотиите.
