Законот вчера го помина последното читање во Думата и по одлуката во Горниот дом треба да биде ратификуван од претседателот на Русија, Владимир Путин.
Со оваа мерка на постојниот закон од 2015 година му се додава критериумот дека организацијата може да се прогласи за непожелна доколку е основана од странски државни органи или ако учествуваат во неа.
Првобитниот закон беше усвоен во 2015 година, но неговата употреба нагло се зголеми откако Русија испрати војници во Украина во февруари 2022 година и почна да се бори против критичарите на нејзината војска и држава.
Повеќе од 175 организации сега се на црната листа, вклучително и онлајн-весникот на англиски јазик „Москва тајмс“, „Карнеги донација за меѓународен мир“ и „Гринпис интернешенел“, заедно со помалку познати групи како Центарот за див лосос.
Критериумите за прогласување непожелни се широки и ги опфаќаат организациите што се сметаат за закана за Русија.
Русија, исто така, има посебен закон според кој организациите што добиваат странски средства може да бидат означени како „странски агенти“ и мора да го објават тој статус на своите материјали. Се чини дека целта е да се поткопа довербата во овие организации.
